多一天假期

小學學校假期

一早知道後就立即安排當日平時因為要返學做唔到嘅嘢！

當天就約了去嘉諾撒打6歲針，

所以當然又順便過條馬路去動植物公園！

睇到呆了？

阿cho話好靚要影底朵花:)

心急嘅chocho一路問幾時先到噴水池,

上次嚟只係喺小食亭買小食,

今次預備了午餐,  chocho個傻妹話突別好味!

話尼個係野餐! 下次要帶細佬嚟^^

又食又睇圖書坐了個幾鐘都未等到好似上次大大條嘅彩虹,

其實好天氣下噴水池經常會見到,

個傻妹真係記得上一次嚟時嘅彩虹...

但坐咗咁耐都冇, 於是都係走去行一另面就走!

到了展覽室,

咩係標本呀?  俾你咁一問真係有啲難答,

一位清潔姨姨經過:  佢死咗好耐啦(指住隻老虎)~

吓~阿cho呆咗! haha~未知真相前仲笑住話同件衫一樣要影相XP

走時經過噴水池阿cho大叫:媽咪有彩虹呀!

好靚呀! 阿cho又話要影相,

雖然細條到影完相都好似睇唔到咁,

但個傻妹又真係好開心,

好想帶細佬一齊嚟!

唉~自己心裡又覺得,又帶阿cho去玩又對唔住細佬,

快快腳走去接細佬放學,

仲買咗為食仔最愛嘅他他奶俾佢^^

第一次有家姐接放學開心到跳住出嚟XD

阿cho即問:  點解細佬有生日帽?

因為細佬學校10月生日會,

點解我依家冇嘅..,

因為小學生冇架...

升小學後真係好珍惜每一次嘅假期......

你們兩個都進入另一階段, 加油呀!!

兩個10月寶寶我愛你哋呀!