暑假香港遊~山頂

暑假上山頂

星期一諗住冇咁多人, 但原來都一樣,

等了30分鐘先買到票!

我都有幾年冇上去山頂了, 連自己都興奮^^

今次帶小采一齊去唔駛做屋企B!

連婆婆都唔知中途有4個站的!!

阿cho話個姐姐好靚, 要學佢喎^,^

今日都算好天氣.

好在仲記得寫返張postcard,

我同阿cho講喺山頂郵局寄出的郵件,

放喺尼個箱就會係用山頂圖案的郵戮蓋印!

之後個傻妹攞咗自己帶嘅簿仔係咁印話要送俾朋友^^

走時細佬已經冇電,

但大采堅持要坐纜車, 排咗成個鐘依然精神!

ChoCho豬你嘅精力真係太多,

heehee~記起以前N1的班主任講過話你活躍度仲勁過啲男孩子!!

大采第一次數賣旗哎！

Yanichel第一次數賣旗哎~

時日為 香港兔唇裂顎協會 賣旗,

ChoCho問點解要賣旗? 咩係兔唇裂顎?

我就話係幫助一啲兔唇小朋友籌款~

和同佢上了香港兔唇裂顎協會的網站了解 http://www.cleftlip.org.hk/

講解完一輪後佢自己就話: 啊! 咁啫係幫助別人la~

老師有教我要幫助別人呀!!

haha~chocho其他似乎未明, 但佢起碼明白重點係要幫助別人!!

今次真係要多謝同學媽咪安排^^

由於大采近來怕羞發作,

一開始要幾個同學仔拖住佢,

再不斷俾佢先賣旗下(幾個妹仔圍住人跟住叫: 阿cho你俾個旗人哋la....)

最後終於自己大聲叫停到人幫佢買旗@,@

辛苦了一班小朋友後梗有獎勵,

暑假咁熱當然係去睇戲>,<

開心又充實的暑期活動^^

突然藝術

放暑假一定會報啲暑期班俾ChoCho學,

等佢唔駛成日係屋企搞住細佬!

今日放學後帶佢去搭火車~

佢好開心問我去邊呀, 尼架就係火車呀~

真係大鄉里出城~

仲話平時要搭多啲交通工具~

但你平時返學日日都坐校車喎~,~

一搭公共交通工具就好開心話要影相俾豬肥爸睇!!

其實你同Janice都係同班同學, 但仲有咁多秘密講,

仲話我哋兩個媽媽唔聽得~

細聲講大聲笑,
 

好想知咩秘密>,<

haha~大熱天又就快展覽完畢,

所以...

暑假香港遊~畢加索藝術珍品展

就突然去感受一下藝術氣氛先~

一去到阿cho就問嚟做咩~

我: 睇下畫呀展品咁~

cho: 睇嚟做咩?

我: 欣賞下人哋嘅作品~

cho: ...??畢加索人嚟o架?

我: 係~我哋今日就係嚟欣賞佢嘅作品!!

cho: 點解呀?

我: 因為佢好出名哎呀!

cho: 出名啫係咩??

我: ~,~''

睇完出嚟悶到呆咗~

你太細個了, 入面唔俾大聲說話唔俾跑唔俾摸;

解釋俾你聽啲畫點睇你又唔係好明,

兩個小妹子悶到呆咗,

藝術到你大啲先再教你la~

兩個攞住份嘢研究咩呢??

又笑咩呢??

睇見你哋笑得咁開心, 我都開心^^

大采一開始放暑假叫我影東影西, 開始追問點解點解,

開始對身邊的事物好奇!

雖然你真係比其他同年齡的慢咗啲,

但唔緊要, 有媽咪倍你周圍睇哎~

今次你叫我影尼個狗便便收集箱真係連我平時都唔留意到!!

暑假香港遊~香港動植物公園

~放暑假哎~
7月返咗幾日學就放暑假!

今年小采出世加上豬肥爸要工作話唔去旅行~

今天去中環睇醫生, 和帶要9個月大嘅小采去健康發展檢查~

小采是和大采一樣, 同樣係參加嘉諾撒醫院健康發展保健~


今天見完姑娘, 就醒起醫院孚近咪係香港動植物公園~

就問婆婆去唔去行下,

因為當天成30幾度, 我哋又冇帶BB車,

但婆婆話去下反正有帶奶粉>@<


真係次次去醫院都冇諗過去,

原來近到只係過一條馬路仔就到後門了@,@

阿cho睇咩咁入神?

咪係好長尾嘅環尾狐猴, 但阿cho話佢唔似猴子似貓咪^^

我估計我有廿幾年冇嚟, 比起以前路好行咗, 環境也比以前優美很多,

因為記得細個時是有臭味的-,-

心急性格嘅ChoCho不斷嘈住叫我行快啲...

但真係太熱了, 我咩住小采佢又熱我又熱,

我完全感到佢心口同我心口濕到件衫貼住咗~

婆婆又撐傘又攞尿片袋, 但怕曬嘅婆婆仲行得快過我>,<"


終於行到中央噴水池哎~

我同阿cho講媽咪細個時就係婆婆帶我嚟尼到噴水池前影相哎!!

影影吓相就發現好大條彩虹, 大采開心到周圍跳~

我同婆婆熱到坐喺長椅飲水同餵奶~

其實好耐未試過咁遊閒靜靜的坐著,

有陽光有微風又有彩虹~

呆坐咗成個鍾都唔捨得走...

走到出口(其實應該尼個先係正門入口),

有個紙版人阿Cho係都話要同佢影相, 話老師話吸煙唔啱!

haha~咁點解要同個紙版人影相?? 真唔明??

今日太開心了, 可以去返細個時去過的地方,

想當年係婆婆帶我去, 現在就係我帶返婆婆和大小采去,

感覺很奇妙,

返到屋企就同媽咪提議今個暑假我哋要遊吓香港好耐未去過嘅地方,

但媽咪立即話: 又曬又熱睇吓去邊先再算la>,<

阿媽真係好怕曬哎~hahahahaaaa~